Inderjit Nikku ਨੇ 15 ਸਾਲ ਪਹਿਲਾਂ ਇਸ ਅਪਾਹਜ ਫੋਟੋਗ੍ਰਾਫ਼ਰ ਦਾ ਮਜ਼ਾਕ ਉਡਾਇਆ ਸੀ

1607

Inderjit Nikku ਨੇ 15 ਸਾਲ ਪਹਿਲਾਂ ਇਸ ਅਪਾਹਜ ਫੋਟੋਗ੍ਰਾਫ਼ਰ ਦਾ ਮਜ਼ਾਕ ਉਡਾਇਆ ਸੀ, ਕਹਿੰਦਾ ਅੱਜ ਮੇਰੀ ਅਰਦਾਸ ਸੁਣੀ ਗਈ #punjab #inderjitnikku #photographer #goldentemple

ਮਸ਼ਹੂਰ ਪੰਜਾਬੀ ਗਾਇਕ ਇੰਦਰਜੀਤ ਨਿੱਕੂ ਇਨ੍ਹੀਂ ਦਿਨੀਂ ਕਾਫ਼ੀ ਮੁਸ਼ਕਿਲ ਦੌਰ ਵਿਚੋਂ ਲੰਘ ਰਹੇ ਹਨ। ਆਪਣੀਆਂ ਮੁਸ਼ਕਿਲਾਂ ਨੂੰ ਦੂਰ ਕਰਨ ਲਈ ਉਹ ਸੰਤਾਂ ਤਕ ਪਹੁੰਚ ਰਹੇ ਹਨ। ਹਾਲ ਹੀ ਵਿਚ ਉਨ੍ਹਾਂ ਦਾ ਇਕ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਕਾਫ਼ੀ ਵਾਇਰਲ ਹੋ ਰਿਹਾ ਹੈ, ਜਿਸ ਵਿਚ ਉਹ ਇਕ ਸੰਤ ਦੀ ਸ਼ਰਨ ਵਿਚ ਪਹੁੰਚੇ ਹੋਏ ਨਜ਼ਰ ਆ ਰਹੇ ਹਨ। ਨਿੱਕੂ ਸੰਤ ਨੂੰ ਆਪਣੇ ਤਿੰਨ ਦੁੱਖ ਸੁਣਾਉਂਦਾ ਹੈ ਅਤੇ ਉਸ ਨੂੰ ਇਨ੍ਹਾਂ ਮੁਸੀਬਤਾਂ ਤੋਂ ਬਾਹਰ ਕੱਢਣ ਲਈ ਆਖ ਰਿਹਾ ਹੈ।

ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਪੰਜਾਬੀ ਅਦਾਕਾਰ ਤੇ ਗਾਇਕ ਦਿਲਜੀਤ ਦੋਸਾਂਝ ਨੇ ਆਪਣੀ ਇੰਸਟਾਗ੍ਰਾਮ ਸਟੋਰੀ ‘ਤੇ ਨਿੱਕੂ ਨੂੰ ਆਪਣੀ ਅਗਲੀ ਫ਼ਿਲਮ ਵਿਚ ਗਾਉਣ ਦੀ ਪੇਸ਼ਕਸ਼ ਦਿੱਤੀ ਹੈ। ਦਿਲਜੀਤ ਦੋਸਾਂਝ ਨੇ ਇਹ ਵੀ ਲਿਖਿਆ ਹੈ, ‘ਵੀਰੇ ਨੂੰ ਦੇਖ ਕੇ ਪਤਾ ਨੀ ਕਿੰਨੇ ਮੁੰਡਿਆਂ ਨੇ ਪੱਗ ਬੰਨ੍ਹਣੀ ਸ਼ੁਰੂ ਕੀਤੀ ਹੈ, ਜਿਨਾ ਵਿਚੋਂ ਇਕ ਮੈਂ ਵੀ ਆ। ਅਸੀਂ ਤੁਹਾਨੂੰ ਪਿਆਰ ਕਰਦੇ ਹਾਂ ਵੀਰੇ। ਮੇਰੀ ਅਗਲੀ ਫ਼ਿਲਮ ਜੋ ਵੀ ਅਸੀਂ ਸ਼ੂਟ ਕਰਾਂਗੇ, ਉਸ ਵਿਚ ਤੁਹਾਡੀ ਆਵਾਜ਼ ਵਿਚ ਗੀਤ ਜ਼ਰੂਰ ਰਿਕਾਰਡ ਕਰਵਾਇਆ ਜਾਵੇਗਾ। ਵੀਡੀਓ ‘ਚ ਸੰਤ ਕੋਲ ਬੈਠੇ ਇੰਦਰਜੀਤ ਨਿੱਕੂ ਦੱਸਦੇ ਹਨ ਕਿ ਉਨ੍ਹਾਂ ਦੀ ਸਿਹਤ ਠੀਕ ਨਹੀਂ ਹੈ, ਜਿਸ ਕਾਰਨ ਉਹ ਇਸ ਸਮੇਂ ਤਣਾਅ ‘ਚ ਹਨ।

ਦੂਜਾ ਪੈਸੇ ਦੀ ਕਮੀ ਹੈ, ਸੋ ਵਰਤਮਾਨ ਵਿਚ ਕਰਜ਼ੇ ਨਾਲ ਜੂਝ ਰਿਹਾ ਹਾਂ। ਤੀਸਰਾ ਗਾਇਕੀ ਦੇ ਕੰਮ ਦਾ ਪ੍ਰੋਗਰਾਮ ਬੰਨ੍ਹ ਦਿੱਤਾ ਗਿਆ ਹੈ ਸਟੇਜ ਸ਼ੋਅ ਕਰ ਰਹੇ ਹਾਂ। ਸੰਤ ਪਹਿਲਾਂ ਪੰਜਾਬੀ ਗਾਇਕ ਨੂੰ ਮਾਸਕ ਉਤਾਰਨ ਲਈ ਕਹਿੰਦੇ ਹਨ ਅਤੇ ਭਵਿੱਖ ਵਿਚ ਸਭ ਕੁਝ ਠੀਕ ਹੋਣ ਦਾ ਆਸ਼ੀਰਵਾਦ ਦਿੰਦੇ ਹਨ। ਫਿਰ ਸੰਤ ਉਨ੍ਹਾਂ ਨੂੰ ਗੀਤ ਗਾਉਣ ਲਈ ਕਹਿ ਰਹੇ ਹਨ। ਇਸ ਦੌਰਾਨ ਇੰਦਰਜੀਤ ਨਿੱਕੂ ਰੋਣ ਲੱਗ ਪੈਂਦਾ ਹੈ ਅਤੇ ਉਸ ਨੂੰ ਕਿਹਾ ਜਾ ਰਿਹਾ ਹੈ ਕਿ ਕਲਾਕਾਰ ਕਦੇ ਨਹੀਂ ਰੋਂਦਾ।

ਦੱਸਣਯੋਗ ਹੈ ਕਿ ਜਿਵੇਂ ਹੀ ਲੁਧਿਆਣਾ ਦੇ ਪੰਜਾਬੀ ਗਾਇਕ ਨਿੱਕੂ ਦੀ ਇਹ ਵੀਡੀਓ ਵਾਇਰਲ ਹੋਈ, ਲੋਕਾਂ ਨੇ ਇਸ ‘ਤੇ ਪ੍ਰਤੀਕਿਰਿਆ ਦੇਣੀ ਸ਼ੁਰੂ ਕਰ ਦਿੱਤੀ। ਇਸ ਦੇ ਨਾਲ ਹੀ ਇੰਦਰਜੀਤ ਨਿੱਕੂ ਦੀ ਇਸ ਵੀਡੀਓ ਤੋਂ ਬਾਅਦ ਕਈ ਹੋਰ ਪੰਜਾਬੀ ਗਾਇਕਾਂ ਨੇ ਵੀ ਮਦਦ ਦੀ ਪੇਸ਼ਕਸ਼ ਕਰਨੀ ਸ਼ੁਰੂ ਕਰ ਦਿੱਤੀ ਹੈ।